Мајкл Џордан ја отвори неговата четврта бесплатна здравствена клиника во државата Северна Каролина, продолжувајќи ја својата мисија да го подобри пристапот до здравствената заштита за маргинализираните заедници. Ја отвори четвртата клиника во Вилмингтон, градот во кој пораснал.
Клиниката се простира на 680 квадратни метри, има 12 ординации и обезбедува основна медицинска нега во работните денови, поддржана од теренски здравствени работници кои им помагаат на пациентите да се поврзат со клучните локални услуги.
Еден од најдобрите, а според многумина и најдобриот, кошаркар на сите времиња, го започна овој проект во партнерство со организацијата Novant Health уште во 2019 година во Шарлот, а иницијативата дополнително се засили откако донира уште 10 милиони долари во 2024 година. Првата клиника во Вилмингтон забележала скоро 1.800 пациенти за само девет месеци.
„За мене ова е лично“, рече Џордан, нагласувајќи колку му значи да обезбеди квалитетна здравствена заштита во заедницата каде што пораснал.
„Ме исполнува кога гледам дека за помалку од една година, првата клиника во Вилмингтон веќе имаше значително влијание врз здравјето и благосостојбата на поединците и семејствата во мојот роден град. Враќањето во Вилмингтон минатата година за отворање на првата клиника беше длабоко емотивен момент за мене и дополнително потврди колку е важно за мене квалитетната здравствена заштита да биде достапна за оваа заедница“, додаде тој.
