Објавен е нов видео клип од филмот „Assassin’s Creed“, во кој ликот на Мајкл Фесбендер ги отклучува мемориите на предците, стапнувајќи во Анимусот.
Играчите на Assassin’s Creed видео игрите се добро запознати со Анимус - напредната машина преку која една личност се побрзува и добива пристап и можност за доживување на спомените и искуствата на нивните предци.
Во овој филм, машината изгледа малку поинаку од обичен стол - цел сет за виртуелна реалност што го движи корисникот низ просторот.
„Assassin’s Creed“, базиран на истоимените игри, ќе ја раскаже приказната за Калум, затвореник регрутиран за програмата за влегување во Анимусот и доживување на мемориите на неговиот предок Агиљар, од 15 век во Шпанија. Тој набрзо дознава дека е потомок на редот „убијци кои работат во темнината, за да и служат на светлината“, и наскоро се сплеткува со долговековната борба меѓу Асасините и Темпларите.
Покрај Мајкл Фесбендер, во филмот ќе ги видиме и Марион Котијард, Брендон Глисон, Џереми Ајронс и други. Премиерата на филмот кај нас е закажана за на 29 декември.