Неколку мајмуни кои живеат во зоолошката градина во Сан Диего примија експериментална вакцина против коронавирусот.
Вакцината е развиена специјално за животни откако е откриено дека неколку мајмуни се заразени.
Оваа вакцина е произведена од ветеринарската фармацевтска фирма Zoetis, а ја примија четири орангутани и пет бонобо мајмуни. Осум горили во зоолошката во Сан Диего се првите мајмуни во светот чии тестови на коронавирус беа позитивни.
Животните се заразени во јануари и моментално закрепнуваат. Активистите се многу загрижени за мајмуните поради заканата од коронавирус, особено затоа што горилите се критично загрозен вид.
Меѓу орангутаните кои примиле вакцина е и женката Карен, првото животно од овој вид изложено на отворена операција на срце. Операцијата е извршена во 1994 година.
Со коронавирус се заразени и други животни низ зоолошките градини, меѓу нив има и лавови и тигри, како и домашни миленичиња меѓи кои има мачки и кучиња.
