Португалскиот играч за врска Педру Гонсалвеш постигна фантастичен гол во осминафиналето против Арсенал речиси од центарот на теренот, а нема сомнеж дека овој гол ќе биде еден од најубавите во овогодинешното издание на сите натпреварувања на УЕФА.
Мајсторијата се случи во 62. минута кога играчите од средниот ред на Арсенал, Џака и Жоржињо лошо се искомбинираа во центарот на теренот, а откако Гонсалвеш им ја пресече топката, го виде лошо поставениот Рамсдејл и постигна одличен гол.
Откако ја повлече топката неколку метри, одлично шутираше со десната нога и ја погоди мрежата на Арсенал, враќајќи го својот тим во игра и израмнувајќи го резултатот на 1:1.
Потоа, до крајот на регуларните 90 минути и потоа во продолженијата немаше голови, па патникот во четвртфиналето беше одреден по изведувањето на пенали, каде подобро поминаа гостите од Португалија.
Трагичар за Арсенал беше Мартинели кој промаши во четвртата серија, по што Сантош од Спортинг постигна гол и го однесе својот тим во следната фаза.
