Дваесет и двегодишен Македонец е обвинет за убиство на неговиот цимер со нож во САД.
Според тамошните медуми, Јовица Николоски на 9 септември го убил својот цимер Спасе Граждани во Вестленд, во Мичиген. Полицијата го пронашла телото на 25-годишниот Граждани со повеќе убоди од нож.
Според истрагата, по расправија меѓу нив, Николоски го избодел со нож Граждани рано изутрината, се истуширал и на неколку часа заминал од станот. Околу пладне се вратил и ја повикал полицијата.
Николоски за убиството од прв степен се соочува со доживотна казна затвор, а сега е во затвор, без можност за кауција. Николоски се појавил на суд пред десет дена, а ќе се врати во судница во октомври бидејќи неговиот адвокат побарал дополнително време за да ги собере документите и информациите што се однесуваат на случајот.
