Скопје, 31 октомври 2018 (МИА) – Македонија е рангирана на 10. место во најновиот извештај „Doing Business 2019“ на Светска банка, што е подобрување за една позиција во однос на претходната година.
Рангирањето е правено врз основа на 10 критериуми, а се опфатени 190 земји во светот.
Македонија е најдобро позиционирана, на седмото место, според критериумот заштита на малцинските инвеститори, а најслаб според критериумите регистрирање на имот и почнување бизнис, на 46 односно 47 место.
Во извештајот „Doing Business 2019“, Македонија е највиско рангирана од државите во регионот. Словенија е 40-та, Косово 44, Србија 48, Црна Гора 50, Хрватска 58, Бугарија 59, Албанија 63, Грција 72, а Босна и Херцеговина 89.
Најдобра во светот, според „Doing Business 2019“ е Нов Зеланд, а покрај Македонија во Tоп 10 се уште и Сингапур, Данска, Хонконг, Јужна Кореа,Грузија, Норвешка, САД и Велика Британија.
На дното на листата се Либија, Јемен, Венецуела, Еритреја и Сомалија.
