Дали некогаш сте се прашале која земја има најбрз интернет во нашиот регион, а која во Европа?
Истражувањето кое го спроведе британскиот сајт Cable се занимаваше токму со оваа тема, а резултатите ги објави порталот Landgeist.
Кога станува збор за земјите на Балканскиот Полуостров, со брзина на интернет конекција од 97,9 Mbps, Македонија е на прво место.
Ние сме пред Словенија (97 Mbps), Србија (60,5 Mbps), Грција (53,9 Mbps), Црна Гора (49,5 Mbps), Босна и Херцеговина (44 Mbps) и Бугарија (40 Mbps).
Најбрзиот интернет во Европа има на островот Џерси (264 Mbps), кој се наоѓа помеѓу Велика Британија и Франција, па во Лихтенштајн (246,8 Mbps) и во Исланд (229,4 Mbps).
Во Франција брзината на интернетот е 152,5 Mbps, во Холандија 142,5 Mbps, во Шпанија 133,3 Mbps, а во Германија 81,7 Mbps.
Најбавен интернет во Европа има во Хрватска 25,7 Mbps, Албанија 25,4 Mbps и Турција 24,8 Mbps.
Податоците се базираат на анализа на повеќе од 1,5 милијарди тестови за брзина на пристап до широкопојасен интернет во 229 земји во текот на 12-те месеци заклучно со 30 јуни годинава, пишува скопскиот портал NetPRES.
