Вечерва македонската фудбалска репрезентација ги почнува квалификациите за пласман на ЕУРО 20924 во Германија, а противник е стариот познаник Малта.
Ако погледнеме во историјата, овие две репрезентации веќе имаат одиграно 6 натпревари, од кои 4 пријателски и 2 квалификациски. Македонија е убедлива во меѓусебните дуели со 5 победи, а во нив имало и петарда, но еднаш се имаме сопнато и тоа во последниот дуел, кога одигравме само 1:1. Гол-разликата е на наша страна, а таа вели дека сме постигнале 15 голови, што во просек е 2,5 голови по натпревар, додека Малтежаните успеале само двапати да ја затресат нашата мрежа.
Одиграни натпревари: 6
Победи Македонија: 5
Нерешени: 1
Победи Малта: 0
Голови Македонија: 15
Голови Малта: 2
Досегашни натпревари меѓу Македонија и Малта:
27.03.1996, Прилеп, пријателска
Македонија - Малта 1:0
Стрелец: 73' Саша Ќириќ
27.11.1996 2:0, Та' Кали, пријателска
Малта - Македонија 0:2
Стрелци: 37' Ванчо Мицевски, 88' (п) Саша Ќириќ
06.09.1998 4:0, Скопје, квалификации за СП 1998
Македонија - Малта 4:0
Стрелци: 20', 47' Ристо Божинов, 70', 76' Артим Шаќири
18.11.1998 1:2, 2:0, Та' Кали, квалификации за СП 1998
Малта - Македонија 1:2
69' Пол Сикссмит - 49' Игор Саша Николовски, 63' Срѓан Захариевски
21.08.2002 5:0, Скопје, пријателска
Македонија - Малта 5:0
37' Ацо Стојков, 41', 62' Артим Шаќири, 52' Ѓорѓи Хриостов, 90' Горан Пандев
На овој натпревар деби голови во дресот со националните бои постигнаа Пандев и Стојков, а за вториот беше и репрезентативно деби.
11.08.2010 1:1, Та' Кали, пријателска
Малта - Македонија 1:1
47' Мајкл Мифсуд - 37' Иван Тричковски
Од фудбалерите кои настпија на овој последен дуел денес нема ниту еден во репрезентацијата. Активни се само неколкумина, сите ветерани: Иван Тричковски (35, АЕК), Бесарт Ибраими (36, Струга), Арменд Алими (35, Работнички). И кај Малтежаните денес нема ниту еден играч од овој натпревар од пред неполни 13 години.
Вечерашниот натпревар е со почеток од 20:45 часот и се игра на Националната арена „Тодор Проески“ во Скопје. Картите се веќе некое време во продажба, а директен пренос ќе има на МРТ1.