Македонија не напредуваше на априлската ранг-листа на ФИФА

Репрезентацијата на Македонија остана на 67. место на најновото рангирање објавено денеска од ФИФА.

Победата над Лихтенштајн од 3:0 на гости и ремито дома 1:1 со Велс, двете во рамките на квалификациите за Мундијалот 2026, на „Рисовите“ им донесоа 6,62 поена повеќе од претходно, но тоа не беше доволно за да напредуваат барем едно место. Среќа во несреќа што никој не нѐ помина, а малку фалеше Македонија да ја престигне Албанија која ни бега само 0,37 поени.

Во топ 10 и натаму води актуелниот светски шампион Аргентина, но сега втора е Шпанија која ја мина Франција.

Од нашата квалификациска група најдобро рангирана е Белгија (8. место), следува Велс (29.), Македонија (67.), Казахстан (113.) и Лихтенштајн (205.).