Ракометната репрезентација на Македонија доби тешка група на Европското првенство, кое на почетокот на наредната година ќе се игра во Германија.
Македонија е во група со домаќинот, Франција и Швајцарија.
Европската ракометна федерација (ЕХФ) денеска го потврди распоредот и локациите на кои ќе се играат натпреварите на Европското првенство.
Македонија ја доби честа против Франција да го отвори континенталниот шампионат.
Отворањето на првенството ќе биде спектауларно, од причина што Македонија и Франција, на 10 јануари од 18 часот ќе играат на фудбалскиот стадион „Меркур Шпил-Арена“ во Диселдорф. На оваа арена еден меч ќе одигра и Германија, против селекцијата на Швајцарија.
Капацитетот на стадионот во Диселдорф е 50.000 гледачи и е дом на фудбалскиот клуб Фортуна.
Преостанатите две средби, против Германија и Швајцарија, македонската ракометна репрезентација ќе ги игра во германската престолнина Берлин.
