Денеска од 17.45 часот, Македонија игра против Словенија на Светското првенство во ракомет во Франција во рамките на третото коло.
Македонија ќе оди на победа, по двата успешни први меча против Тунис (34:30) и против Ангола (31:22), а ќе мора да играме против лошата историја од дуелите со Словенија.
Во натпреварите Словенија - Македонија почнувајќи од 1998 кога во Пула е одигран пријателски натпревар, Словенија има седум победи, Македонија една победа и два нерешени натпревари.
Со Словенија само два пати сме се соочувале на големи натпреварувањата и тоа во 2012 година во борба за петто место на Европското првенство, славеше Македонија со 28:27, а на Светското првенство во Катар 2015 - славеше Словенија во 1/8 финалето со 30:28.
На Светското првенство денеска ќе се соочат уште и Полска и Русија од групата А, Шпанија и Ангола од група Б, Унгарија - Чиле и Хрватска - Белорусија во групата Ц, и Египет – Бахреин и Данска-Шведска во групата Д.