Управата за хидрометеоролошки работи за целата територија на Македонија издаде предупредување од жолта фаза за силен ветер и врнежи од дожд, додека во малешевскиот крај издадено е предупредување од портокалова фаза.
Според УХМР, за денеска се очекува променливо облачно време со повремени врнежи од дожд, кои ќе бидат пообилни кон крајот на денот и во вечерните часови, особено во западните и северните делови.
Локално врнежите ќе бидат поројни и ќе има услови за појава на грмежи. На повеќе места ќе наврнат над 25л/м2 дожд. Ќе дува умерен до засилен јужен ветер, кој на места ќе достигнува брзина околу 80 км/час.
Во Скопје променливо облачно, попладне и во вечерните часови со врнежи од дожд. Ќе дува умерен до засилен југоисточен ветер. Температурата ќе достигне до 15 степени.
Утре ќе биде променливо облачно и стабилно со подолги сончеви периоди. Потоа во наредните денови ќе има повремени врнежи од дожд и ќе дува слаб до умерен северен ветер. Дневните температури сосема благо ќе опаднат.
