Македонската фудбалска репрезентативка Наташа Андонова, воедно и најдобрата фудбалерка на нашата земја, ја напушти Барселона по две сезони одиграни во шпанскиот гигант.
Таа сепак ќе продолжи да настапува во шпанското првенство, откако се пресели во редовите на Леванте.
Во дресот на Барселона, Андонова на 58 средби постигна вкупно осум погодоци.
Андонова беше забележана како голем талент уште од деновите во ЖФК Тиквешанка, а потоа одличната форма ја продолжи и во ЖФК Борец. Во зимата од сезоната 2010/2011 Наташа потпиша за германскиот гигант Турбине Потсдам и таму одигра неколку фантастични сезони, пред да се пресели во Шведска, во тимот на Розенгард.
Во јануари 2017 година таа потпиша за ПСЖ, а веднаш во летото истата година повторно го промени клубот и стана фудбалерка на Барселона.
Со потпишувањето во Леванте, сега овој шпански клуб во своите редови има двајца македонски репрезентативци – едниот од женската, а едниот од машката репрезентација. Енис Барди е во Леванте веќе две цели сезони, а наредната ќе му биде трета во клубот. Тренерот на клубот најави дека во новата сезона сериозно ќе смета на услугите на нашиот маестро за слободни удари.