Ракомет

Македонските ракометарки поразени на Шампионатот во Литванија

17. јули 2019 - 16:48 | МИА

Скопје, 17 јули 2019 (МИА) – Младинската женска репрезентација на Северна Македонија претрпе пораз од Швајцарија, со резултат 34:22, во второто коло од ЕХФ W19 2019 Шампионат во Литванија.

Почетокот на натпреварот почна израмнето за двете репрезентации, а потоа ракометарките на Швајцарија наметнаа силно темпо на игра и на полвреме да заминат со седум погодоци предност, 19:12.

Во второто полувреме нашата репрезентација не успеа да стигне до изненадување и натпреварот заврши 34:22 во корист за Швајцарија.

Следен натпревар на Северна Македонија е утре во 18:00 часот, а нејзин  противник е домаќинот Литванија.

Коментирај