Алжирскиот офанзивец синоќа со два гола го отпиша ПСЖ од втора шанса за ритулата и го испрати својот тим за прв пат во големото финале.
Ријад Махрез пред една недела во Париз го постигна голот за победа од 2:1 на Мначестер Сити, резултат кој упте тогаш најави историско финале. Синоќа повторно беше во елемент и со два гола во мрежата на „Светците“ го завери финалето.
„Беше навистина добар натпревар. Не почнавме добро, не одигравме добро прво полувреме, но постигнавме гол и потоа бевме многу поопуштени“, вели Махрез за BT Sport опишувајчи го натпреварот.
Тој во 11. минута го отвори резултатот, а во 63. минута го дуплираше водството, или за вкупни 4:1 со што го отпиша минатогодишниот финалист. по вториот гол директер црвен доби Анхел Ди Марија, а до крајот имаше уште неколку груби стартови од гостиснките фудбалери.
„Вториот дел го одигравме многу подобро и можевме да постигнеме повеќе голови. Тие загубија нерви и почнаа да нѐ удираат каде стигнат, а по црвениот картон веќе беше сѐ јасно“, додава тој.
Сега Сити вечерва ќе го чека противникот во финалето и тоа помеѓу Челси и Реал Мадрид.
„Секој мора да биде солиден и во дефанзивата и токму поради тоа стигнавме до финалето. Не примавме многу голови и тоа нѐ донесе до финале. Имаме натпревар в сабота на кој доколку победиме ќе ја освоиме лигата, а потоа ќе се сконцентрираме на финалето од Лигата на шампиони“.