Лондон, 4 декември 2019 (МИА) – Зад кулисите на НАТО Самитот во Лондон, кој го обележаа неколку значајни состаноци меѓу премиерите и претседателите, камерите забележаа како канадскиот премиер Џастин Трудо и францускиот претседател Емануел Макрон го озборуваат Доналд Трамп во Бакингемската палата.
Имено, Макрон, кој го провоцираше Трамп со изјавата дека НАТО е во „состојба на мозочна смрт”, е фатен како говори против непознат соработник во разговор со Трудо, британскиот премиер Борис Џонсон и холандскиот Марк Руте. Шегата е на сметка на нечија „40-минутна конференција“ поради која Макрон доцнел.
Според многумина, забелешката се однесува на состанокот Макрон – Трамп претходно тој ден. Трудо пак, натаму ќе рече: „Штотуку видовте како членовите на неговиот тим (наводно, на Трамп), останаа со отворена уста”.