Марс е четвртата планета од Сонцето со просечна оддалеченост од 227.940.000 километри.
Нејзиниот пречник изнесува 6.794 километри (речиси двојно помал од тој на Земјата), со што, според големината, таа е седма планета во Сончевиот Систем. Планетата веројатно го добила името заради својата црвена боја, така што понекогаш се нарекува и „Црвената планета“. Инаку, Марс е богот на војната во римската митологија.
Орбитата на Марс е значително елиптична. Тоа резултира со промена на температурата од 30 °C во афел и перихел. Ова има големо влијание на климата. Додека просечната температура е 218 К (-55°С), температурата на површината се движи од 140 К (-133°С) на половите во зима, до 300 К (27°С) преку ден во текот на летото. Иако Марс е многу помал од Земјата, копнената површина му е приближно иста како на Земјата (заради водените површини на Земјата).
Првото вселенско летало кое ја посетило планетата Марс е Mariner 4 во 1965 година, по што следеле уште неколку други, меѓу кои и Mars 2, првата сонда која слетала на Марс. Други поуспешни мисии на Марс се двете летала Viking од 1976, како и Mars Pathfinder од 1997 година.
Кинеската вселенска агенција CNSA во моментов работи со роверот Zhurong на површината на Марс и праќа снимки назад на Земјата преку сателитот Тianwen-1. Роверот е сличен на роверите Spirit и Opportunity на НАСА. Кина е втора земја којашто слета и управува со вселенско возило на Марс, по САД.
За да дознаете повеќе за Црвената планета, погледнете го ова видео на Factnomenal со 101 неверојатен факт за Марс:
