Ако вашето дневно мени стана премногу едноставно, сигурно одвај чекате да воведете нешто ново на трпезата.
Решението за вас се мали трикови на турската кујна кои целосно ќе го освежат вашето стандардно мени.
Иако кај нас е потешко да најдете некои зачини и состојки, но со овие едноставни трикови на турската кујна вашето дневно мени ќе добие поинаков вкус.
Свежо нане во зелена салата
Во традиционалната турска кујна ќе најдете нане во салатите. Значи, тука нема мудрост, само исецкајте неколку листови свежо нане во зелена салата и зачинете како и обично. Резултатот навистина може да ве изненади.
Додадете ореви во салатите
Обидете се да додадете неколку сечкани ореви во салатата со домати и кромид. Ова веднаш ќе ја претвори салатата во оброк, а освен што ќе се чувствуваат сити, јаткастите плодови носат и многу хранливи материи кои не може да се најдат во другите намирници од овој состав.
Сосови и намази
Секогаш имајте барем неколку различни сосови на масата. Павлака со разни зачини. Измешајте сенф, мајонез, лимон, павлака... Сосовите секогаш може да им додадат нијанса на оброците.
Сладолед од ванила
Во Турција, десертите се многу важен дел од кујната, а речиси секој содржи сладолед од ванила. Без разлика дали е алва, слатко од тиква или овошна салата, ќе се послужи со сладолед од ванила.
Сос од калинка
Можеби сте навикнати да ставате обичен оцет во салати, можеби го имате омилениот оцет балсамико или сте го откриле умебоши оцетот - сосот (или оцетот) од калинка ќе биде интересна промена. Во Турција многу се користи, не само за салати, туку може да се користи и за маринади, како прелив за месо итн.
