Малолетничка уценувана и во повеќе наврати силувана од 24-годишен маж

Основното јавно обвинителство од Прилеп покрена постапка против 25-годишен маж од село Дебреште кој се сомничи дека извршил полов напад врз дете кое не наполнило 14 години.

По предлог на јавен обвинител, на осомничениот му е одреден 30-дневен притвор.

Осомничениот од почетокот на април до 20 јули годинава во атарот на селата Лажани и Дебреште и во Прилеп извршил обљуба врз девојче за кое знаел дека нема наполнето 14 години.

Тој со девојчето остварил контакт преку социјална мрежа и во април се договориле да се сретнат пред портата од дворното место во куќата каде живеела. Побарал од неа да влезе во возилото со уцена дека доколку не го стори тоа во јавноста ќе пуштел фотографија која таа му ја испратила претходно на Facebook. Девојчето влегло во возилото, по што ја однел на друга локација и извршил обљуба врз неа, иако таа цело време давала отпор.

На 18 јули, повторно со уцена, ја принудил да влезе во возилото и заедно отишле во неговиот дом во Дебреште. Таму се задржале сѐ до моментот кога добиле сознание дека во куќата доаѓа полицијата, по барање на родителите на девојчето и по наредба на ОЈО Прилеп, за да го врати девојчето кај родителите. Тогаш со возило кое го возел братот на осомничениот ја напуштиле куќата и отишле во неговата куќа во Прилеп, каде биле оставени сами. Осомничениот, во една од собите, без согласност на оштетената извршил обљуба врз неа.

На 20 јули, криејќи се од полицијата, го донел девојчето во стариот дел од куќата каде што живеел во Дебреште и повторно без нејзина согласност извршил обљуба.

Според делот „Кривични дела против половата слобода и половиот морал“, Силување, Член 186, Став 1 „тој што друг со употреба на сила или закана дека непосредно ќе нападне врз неговиот живот или тело или врз животот или телото на нему блиско лице, ќе го присили на обљуба, ќе се казни со затвор од една до десет години“. Според Став 3 од истиот член „тој што друг ќе присили на обљуба со сериозна закана дска за него или за нему блиско лице ќе открие нешто што би му наштетило на неговата чест и углед или дека ќе предизвика друго тешко зло, ќе се казни со затвор од шест месеци до пет години“.

Во делот „Полов напад врз дете“, според Член 188, Став 1 „тој што ќе изврши обљуба или друго полово дејствие врз дете, ќе се казни со затвор од една до десет години“.

Тагови
реклама

Џинови во реалниот свет за кои тешко ќе верувате дека навистина постојат

Read more

Нагорно-Карабах: Не е важно кој прв почна, туку кој стои зад војната

Read more

Моќни илустрации ги покажуваат разликите меѓу Истокот и Западот

Read more

Неверојатни факти за животот во Шведска

Read more

Хроника

Гордана Јанкулоска упатена во КПУ Идризово за случајот „Тенк”

Read more

Санкционирани 643 граѓани за неносење заштитна маска

Read more

Притвор од 30 дена за 10 лица кои учествуваа во нападот на полициските службеници

Read more

Казнети 528 лица за неносење на заштитна маска

Read more

Вести

Европските земји ги враќаат строгите епидемиoлошки мерки

Читај повеќе
  • play_arrow

Нагорно-Карабах: Не е важно кој прв почна, туку кој стои зад војната

Читај повеќе

Над милион луѓе во светот починаа од последици на COVID-19

Читај повеќе

Променливо облачно со повремени врнежи

Читај повеќе

Филипче: За кратко време ќе имаме брзи тестови за COVID-19, достапни ќе бидат во болниците и на граничните премини

Читај повеќе

Ако финансиската поддршка не стигне до работниците ќе следат кривични пријави, предупреди премиерот

Читај повеќе

Заев: Прашањето за Гоце Делчев треба да го решава Мешовитата комисија

Читај повеќе

Преглед на состојбата со COVID-19 во светот

Читај повеќе

Ердоган: Азербејџан мораше да ги земе работите во свои раце

Читај повеќе