Малолетник ги вознемирувал професионалните војници и ги испрскал со кал додека работеле на улицата „Антон Попов“ и расчистувале наноси од поплавите.
Инцидентот е пријавен пред три дена околу 17.20 часот во Единицата за информации и команда. Малолетникот со „мерцедес“ ги вознемирувал, односно го стартувал постојано возилото додека работеле и ги испрскал со земја, иако претходно бил предупреден за неговото однесување.
Инаку на подрачјето на СВР Скопје евидентирани се 21 пријави од граѓани кои пријавиле поплавени домови, возила, ниви и друг имот, како и штети предизвикани од невремето во скопскиот регион во коешто загинаа 22 лица.
