Хроника

Малолетник прободен со нож во Тетово

26. јануари 2020 - 11:09 | МИА

Петнаесетгодишен малолетник од Тетово е прободен со остар предмет од друг 16-годишен малолетник од Мала Речица синоќа по претходна расправија која прераснала во физичка пресметка.

Министерството за внатрешни работи сооптши дека синоќа во 19:05 часот било пријавено дека во Тетово на улицата „Илинденска“ во билијард клуб 16-годишен малолетник од село Мала Речица, Тетово, по претходна расправија, а потоа и физичка пресметка со остар предмет му нанел убодна рана на 15-годишен малолетник од Тетово.

Повредениот малолетник бил пренесен во Медицинскиот центар Тетово за укажување на лекарска помош.

Осомничениот малолетник бил приведен во полициска станица и се преземаат мерки за целосно расчистување на случајот.

Коментирај