Малта ќе го отвори аеродромот за патнички летови на 1 јули, соопшти премиерот Роберт Абела, додека островската земја ги олабавува рестрикциите воведени во март за спречување на ширењето на COVID-19.
Малта од 1 јули дозволува влез за туристи од 16 европски земји, само за делови од Италија и за Израел. Властите соопштија дека ќе бидат добредојдени туристи од италијанските острови Сицилија и Сардинија, но не од другите делови на Италија.
Малта отвора токму навреме за туристичката сезона. Островот важи за туристичка Мека благодарение на богатата историја и возбудливиот ноќен живот, особено за туристите од Велика Британија, Италија, Германија и Франција. Од овие земји, само Германија не е на листата земји чии граѓани ќе може да ја посетат островската земја од 1 јули.
Засега, Малта одобрува влез за граѓаните од: Германија, Австрија, Кипар, Швајцарија, Исланд, Словачка, Норвешка, Данска, Унгарија, Финска, Ирска, Литванија, Израел, Летонија, Естонија, Луксембург и Чешка, како и жители на Сардинија и Сицилија.
Македонија не е на овој список, но малтешките власти нагласуваат дека списокот редовно ќе се ажурира согласно епидемиолошката состојба во земјите.
Во Малта беше спроведена интензивна програма за тестирање и следење на контактите. Рестораните и продавниците добија дозвола за работа во средината на мај, но црквите и училиштата и понатаму се затворени. Баровите и теретаните ќе отворат на 5 мај.
Од почетокот на пандемијата во островската земја се забележани 619 случаи на заразени и девет смртни случаи на COVID-19.