Малта потроши повеќе од половина милион евра во целта да оствари победа на Евросонг 2021, пишува весникот The Times of Malta. Или поточно околу 700.000 евра.
Оваа информација предизвика жестоки реакции кај Малтежаните, незадоволни како јавниот сервис ги користи нивните пари.
Учеството на Малта на Евросонг 2021 предизвика незадоволство во земјата, не поради изборот на песна, претставник и слично. Откриено е дека оваа земја потрошила повеќе од половина милион евра во обидот да победи на натпреварот. Има тврдења дека добар дел од парите е даден на странски државјани за да се обложат на тоа дека песната „Je Me Casse“ ќе победи.
Исто така, се тврди дека поголем дел од парите им се дадени на инфлуенсери за да ја промовираат песната на социјалните мрежи.
Во моменталната ситуација повеќе би имало смисла да се промовира земјата како идеална летна дестинација, а не како победник на музички натпревар во кој никогаш не може да победите од политички причини, сметаат критичарите.
Власта одбива да каже колку пари е потрошено не само за промоцијата, туку и за патните трошоци, облеката, шминката и сето останато.
Министерот за надворешни работи Кармело Абела побара истрага за случајот.
