Поранешната ѕвезда на лондонски Челси и француската репрезентација, Флоран Малуда, својата воена иницијација ја заврши во својата родна Француска Гвајана.
44-годишниот фудбалер освои 6 трофеи во шесте сезони со Челси, вклучувајќи ја Премиер лигата во 2010 година и Лигата на шампионите две години подоцна.
Сепак, беше принуден да игра со младинскиот тим во последната сезона бидејќи бараше да го напушти клубот.
По завршувањето на својата играчка кариера Малуда одлучи да се приклучи на 3. пешадиски полк и ја заврши својата воена иницијација во земјата каде е роден - Француска Гвајана во Јужна Америка.
За време на ова „патување“ тој пловел по река, правел шатори и делел животни лекции со помладите колеги.
Инаку, француската влада ја опишува оваа програма како програма што „им овозможува на цивилите (често признати во нивните области) доброволно да придонесат за промоција на вредностите и мисиите на воената институција, а притоа самите да не бидат воен персонал.
Да додадеме дека Француска Гвајана не е членка на ФИФА, па Малуда во текот на кариерата настапуваше 80 пати за Франција.
Пет години по неговиот последен натпревар за Франција, тој се обиде да игра за Француска Гвајана, чија репрезентација е членка на КОНКАКАФ и има право да учествува на континенталните натпреварувања, сепак, приказната беше неуспешна.
Имену, дури и го ставија капитен на мечот од Голд купот против Хондурас, беше 0:0, но натпреварот Француска Гвајана го загуби со службени 3:0 токму поради неговото учество.
Во текот на својата кариера Малуда одигра 706 натпревари на клупско ниво, постигнувајќи 119 гола во лигите на Франција, Англија, Индија, Турција, Египет и Луксембург.
