Живот

Мамините синови се поуспешни низ животот

19. мај 2019 - 13:05 | Б.С.Б.

Универзитетот Харвард објави студија за тоа што ги прави мажите среќни. Заклучокот кој се наметнува е дека „мамините синчиња“ се многу поуспешни во работата и заработуваат подобро од останатите мажи кои немале толку близок однос со нивните мајки во детството.

Во истражувањето биле следени 268 мажи во распон од млади години до повозрасни. Тестирањата се вршеле секои две години и без сомнежи  е една од најдолгите и најдеталните студии на човечкиот развој во историјата.

Разликата во платата на мамините синови и оние останатите е во просек 87.000 долари по година. Студијата докажала дека мажите кои имале близок однос со мајките биле поуспешни во кариерата како што минувале годините. Покрај тоа, кај они кои имале лош однос со мајката во детството бил зголемен ризикот од деменција во подоцнежните години. Кога станува збор за таткото, поврзаност со деловниот успех и односот не постои. Добрата врска меѓу синот и таткото во животот се манифестира преку повисок степен на задоволство во животот.

Интересен заклучок на еден дел од студијата се однесува на тоа дека мажите кои внесуваат повеќе алкохол се најнесреќни, кај нив е повисок степенот на смртност, разводи, депресија и нервози. Либералните мажи практикуваат повеќе секс, а најважно од сè, високиот IQ не е поврзан со висока плата.

Крајниот заклучок на докторот Џорџ Ваилант е дека клучно за успех во животот е љубовта.

„По 75 години и 20 милион долари вложени во студијата, донесовме еден заклучок. Среќата се крие во љубовта. Среќата е љубов. Точка“, вели тој.

Коментирај