Дејан Манасков самокритичен по вчерашната бламажа на ракометната репрезентација во Виена.
Крилото на македонската репрезентација е свесен зошто Австрија толку лесно нѐ совлада. Причините беа очигледни, а Манасков не се срами да ги истакне.
„Навистина не знам што да кажам. Немавме решение, ниту пак бевме подготвени за одбраната која ја постави противникот. Им дадовме многу топки директно во раце, им подаривме лесни голови, а не реализиравме чисти шанси. Тоа е клучот за загубениот натпревар“, рече Манасков.
27-годишниот Манасков против Австрија имаше само 3 шута од кои постигна само 1 единствен гол иако мина скоро 37 минути на паркетот.
Првенството го заврши со вкупно 6 постигнати голови, сите од игра.
