Тинејџерот ќе им се придружи на „Црвените ѓаволи“ штом ги добие потребните документи за работната дозвола.
Манчестер Јунајтед го комплетираше трансферот на 18-годишниот крилен напаѓач Амад Дјало Траоре. Има само 18 години и ретко добиваше шанса во првиот тим на „Деа“, сезонава настапи само еднаш во Серија А и еднаш во Копа Италија, но важи за голем талент.
Аталанта можеби прерано се откажа од играчот од Брегот на Слоновата Коска, но затоа доби 37 милиони фунти на име отштета.
Дјало со Јунајтед потпиша до јуни 2025 година, а се очекува прво да биде ставен во У23 тимот каде би се аклиматизирал. Со оглед на тоа што Оле Гунар Солскјер милува да уфрла во игра млади фудбалери, нема да биде изненадување доколку и Дјало во блиска иднина го забележи своето деби за Манчестер.
