Италијанскиот Интер и англискиот клуб Манчестер Јунајтед, во текот на јануарскиот трансфер период би можеле да направат размена на фудбалери.
Како што пренесува угледниот спортски дневник „Corriere dello Sport“, италијанскиот клуб и го понудил на „Црвените ѓаволи“ Жоао Марио за услугите на Хенрих Михтарјан.
Марио има 24 години, Интер пред една година за него му плати 45 милиони евра на Спортинг, но не ги оправда очекувањата во Милано.
На 43 натпревари постигна само три гола.
Од друга страна, Михтарјан исто така беше купен летото 2016 година, за околу 40 милиони од Борусија Дортмунд, но и тој потфрли, посебно оваа сезона во која и ретко игра кај Жозе Мурињо.
Интер и покрај тоа верува дека Михтарјан би можел да ја врати препознатливата форма од времето кога го носеше дресот на германскиот гигант, и Спалети смета дека може му помогне да си ја врати кариерата во вистински правец.
Нивниот првобитен план бил да го испратат Марио во ПСЖ, а за возврат да го добијат Аргентинецот со италијански пасош Хавиер Пасоторе, но тренерот на Интер Лучијано Спалети го преферира Михтарјан.