Манчестер Јунајтед влегува во новата сезона со многу ригорозни мерки за безбедност и англискиот клуб им порача на навивачите сериозно да ги сфатат инструкциите, објавувајќи и видео преку кое се објаснуваат процедурите низ кои ќе треба да поминат.
Ригорозните мерки не се никакво изненадување кога ќе се еме предвид дека лани Олд Трафорд беше евакуиран поради закана со бомба, а градот неодамна го претрпе и терористичкиот напад на концерт на Аријана Гранде кога загинаа 22 лица.
Навивачите нема да смеат да внесат торба, ранец или чанта со димензии поголеми од 20х15х5 сантиметри. Нивните лични предмети ќе може да ги остават на пунктовите.
Во видеото исто така се потсетуваат навивачите дека треба да бидат на стадионот најмалку еден час пред почетокот им дека околу Олд Трафорд има градежни работи што би можеле дополнително да го отежнат движењето.
„Црвените ѓаволи“ ја почнуваат сезоната во недела со натпреварот против Вест Хем во 17 часот.
