Манчестер Сити го доби првото засилување

Манчестер Сити го доведе еден од најталентираните играчи од Ла Лига, Савињо.

Станува збор за фудбалер кој е првото летно засилување на шампионот на Англија.

Тој потпиша договор на пет години, а вкупната вредност на трансферот ќе биде 40 милиони евра.

Савињо (20) е член на францускиот тим Троа од 2020 година, но минатата сезона играше како позајмен во Шпанија, во дресот на Жирона.

На 37 натпревари постигна девет гола во Ла Лига.

„Среќен сум што ќе ја продолжам кариерата во Манчестер Сити. Сите знаат дека тоа е најдобриот тим во светот во моментов. Возбуден сум што имам можност да ме тренира Пеп Гвардиола, еден од најголемите тренери на сите времиња“, изјави бразилскилот фудбалер.

Савињо ја започна својата кариера во Атлетико Минеиро.

За бразилската репрезентација забележа седум настапи, а неговата вредност се проценува на 50 милиони евра.