Англискиот фудбалер Џек Грилиш се согласи на трансфер од Астон Вила во Манчестер Сити за 117 милиони евра, со што ќе стане најскапиот британски играч во историјата.
Оваа информација ја објави спортскиот новинар на Sky Sports и на Guardian, Фабрицио Романо. Тој соопшти дека е средена документацијата меѓу двете страни и Грилиш потпишал договор до 2026 година.
Треба да се изврши лекарски преглед по што клубот и официјално ќе го претстави.
Ова ќе биде најголемиот трансфер во историјата на англискиот фудбал. Рекордот го држи Пол Погба кој за 95 милиони евра во 2016 година премина од Јувентус во Манчестер Јунајтед.
Грилиш има одиграно повеќе од 200 натпревари за тимот од Бирмингем и постигнато 32 гола. Беше и член репрезентацијата на Англија која на ЕУРО 2020 го освои второто место.