„Граѓаните“ и официјално ќе можат да играат во Лигата на шампионите наредната сезона откако Судот за спортска арбитража ја поништи одлуката на УЕФА за двегодишна суспензија.
Европската куќа на фудбалот имаше донесено одлука да го казни Мначестер Сити со двегодишна суспензија плус 30 милиони евра поради кршење на прафилата за финансиски фер-плеј. Клубот од Манчестер се жалеше до судот во Лозана кој денеска ја објави одлуката дека ја прифаќа жалбата на Сити, воедно поништувајќи ја одлуката на УЕФА.
УЕФА го обвинуваше Сити дека ги заобиколува правилата за финансиски фер-плеј на тој начин што зема пари од спонзори кои се поврзани со сопствениците на клубот. Соработката на Football Leaks и германски Der Spiegel откри документи кои ја обелоденија целата процедура на заобиколување на правилата на УЕФА, но ЦАС сега сето тоа го поништи.
Така, Сити со помош на ивестициски компании за кои стојат ОАЕ добива финансиски средства на име на спонзорски договори, што не е по правилата на УЕФА и токму тоа е причината за казната која им ја изрече УЕФА.
Сепак, Судот за спортска арбитража од Лозана одлучи дека казната на УЕФА не е меродавна на прекршокот. ЦАС не одлучи дека „Граѓаните“ не направиле прекршок, туку дека казната е престрога. Затоа, ја укина двегодишната суспензија, а казната од 30 милиони евра ја смали на 10. Така, сега Манчестер Сите ќе помине само со казна од 10 милиони евра и ќе игра во Лигата на шампионите.
УЕФА ја прифати одлуката на ЦАС и нема повторно да го отвора случајот.
Оваа одлука сега ќе направи хаос во Премиер лигата каде се разгоре битката за трите места во Лигата на шампионите. Ливерпул како шампион веќе обезбеди учество, а со суспензијата на Сити за три места во борба влегоа Челси, Лестер, Манчестер Јунајтед и Вулверхемптон. Сега, од овие четири екипи наместо три ќе мора има место само за две бидејќи Сити е сигурен на второто место.