Манчестер Сити во зимскиот преоден рок потроши 180 милиони фунти (206 милиони евра) за 4 засилувања, додека останатите 19 премиерлигаши потрошија 177 милиони фунти за нови играчи.
Зимскиот преоден рок во Англија заврши, а во фокусот на вниманието беше Манчестер Сити. На „Граѓаните“ не им е лесно оваа сезона, моментално се петти на табелата со 15 бодови помалку од лидерот Ливерпул, што донекаде ги објаснува активностите на трансфер пазарот што ги презеде менаџерот Жузеп Гуардиола.
„Клубот на Пеп потроши 180 милиони фунти за 4 засилувања во јануари, додека останатите 19 премиерлигаши потрошија 177 милиони фунти за нови играчи“, обајви британскиот јавен сервис BBC.
Аргентинецот Нико Гонсалес официјално потпиша неколку минути пред полноќ и тој е најновото, четврто засилување на Сити оваа зима. Тоа беше и најголемиот трансфер во Англија на последниот ден од преодниот рок. Порто ќе добие отштета од 50 милиони фунти (околу 60 милиони евра).
Претходно од Ајнтрахт Франкфурт пристигна Египќанецот Омар Мармуш за 59 милиони фунти (околу 70 милиони евра), Узбекистанецот Абдукодир Хусанов од Ланс за 33,6 милиони фунти (околу 40 милиони фунти) и Бразилецот Витор Рејс од Палмејрас за 29,6 милиони фунти (околу 36 милиони евра).
Во исто време, тоа е второто најголемо трошење на еден клуб во зимскиот преоден рок досега. Челси во 2023 година, потроши рекордни 330 милиони евра (275 милиони фунти) на нови играчи.
