Во Манчестер е инсталирана првата пешачка патека за оние кои пишуваат пораки или сурфаат на интернет додека шетаат со телефон.
Британската компанија AO Mobile во Манчестер ја инсталираше првата „mobile lane“ патека за пешаци кои користат мобилни додека се во движење. Патеката долга 75 метри била во функција само 24 часа, но компанијата е задоволна од позитивната реакција на корисниците и верува дека вакви патеки во иднина би можеле да се најдат во многу европски градови.
Инспирацијата за ваква патека потекнува од истражување кое открива колку многу Британците се невнимателни додека пешачат и користат мобилни. Истражувањето открило дека 96 проценти од Британците доживеале негативно искуство бидејќи не обрнале доволно внимание додека ги користеле мобилните и пешачеле.
Во истражувањето учествувале 1.500 луѓе. Околу 29 проценти од нив признале дека удриле во улична светилка додека го користеле мобилниот телефон.