Хрватскиот фудбалер направи убав гест: тој нема да ја подигне платата која му следува за месец март бидејќи поради повреда не одигра ниту еден натпревар.
Марио Манџукиќ зимава потпиша со Милан и настапи на 5 натпревари во февруари пред да се повреди. Оттогаш беше во аут сѐ до минатиот викенд кога се врати во тимот и преседа на клупата на гостувањето кај Парма.
Бидејќи цел март не одигра ниту минута, Хрватот одлучи да се откаже од платата која според фдоговорот му следува. Како нов играч, бидејќи не допринел со ништо за тимот, верува дека не треба да ја земе платата.
Милан го прифати ваквиот негов убав гест и одлучи мартовската плата на Манџукиќ да ја донира.
„Овој потег на Манџукиќ е само доказ за негова етиката и професионализам“, изјави Паоло Скарони, претседателот на Милан.
