Садио Мане од вторникот е во Германија и е пред потпис со актуелниот шампион, минхенски Баерн.
Сенегалскиот репрезентативец и фудбалер на Ливерпул во вторникот пристигна во Германија, беа извршени лекарските прегледи и сега се очекува негово официјално претставување.
„Кога агентот прв пат ми кажа за интересот на Баерн, бев многу возбуден. Веднаш се видов таму… Тоа е еден од најголемите клубови во светот и тим кој секогаш се бори за секоја титула. Така, тоа беше многу добра идеја за мене и ја донесов вистинската одлука да дојдам овде“, рече Мане во своето прво обраќање во Минхен.
Тој ќе потпише тригодишен договор, а во тој период ќе заработи околу 41 милион евра.
