Борче Маневски е четвртото засилување за ФК Работнички во зимскиот преоден рок. Искусниот напаѓач, потпиша едногодишен договор со фудбалскиот клуб.
Маневски (30) од 2014 година настапуваше во дресот на Чаинат во првенството на Тајланд, каде се пресели токму од Работнички.
Претходно, во својата кариера, има настапи и за Победа, Милано и Вардар во македонскиот шампионат, и полскиот прволигаш Горник Лечна.
Во актуелниот преоден рок, покрај Маневски, Работнички се засили и со фудбалерот од средниот ред Бојан Најденов, како и со младите хрватски интернационалци Иван Галиќ и Марко Пушкариќ.