Не знаеме што велат во Ferrari, но знаеме дека тјунинг компанијата Mansory не остана глува на барањето на еден од ретките сопственици кои сакаа уникатна Monza SP2.
Меѓу ретките сопственици на еден од open air моделите Monza SP1 и SP2 на Ferrari од ограничената серија Icona се најде и сопственик кој сакаше неговата Monza SP2 да се разликува од другите 249 произведени примероци.
Помош побарал од тјунинг компанијата Mansory, каде за непозната сума пари го доработиле автомобилот на Ferrari кој е потсетник на легендарните тркачки модели 750 Monza, 250 Testarossa и 166 MM Barchetta и на крајот му дале на сопственикот уникатна копија од Monza SP2.
Заедно со новите карбонски компоненти на каросеријата, меѓу деталите што ја издвојуваат Monza SP2 на Mansory од остатокот од овие модели се различните алуминиумски тркала од 21 и 22 инчи со гуми 275/30 ZR21 (предни) и 335/25 ZR22 (задни), а бојата на совозачкото седиште во овој случај е иста со бојата на широката и ниската каросерија.
Не е заборавен ниту централно лоцираниот атмосферски V12 мотор на Ferrari, чија моќност е зголемена од 810 на 830 коњи. Новата вредност на максималниот вртежен момент е 740 Nm. 7-степен автоматски менувач со два спојки се грижи за преносот на силата на задната оска, а споменатите бројки се доволни за Monza SP2 да достигне стотка за 2,8 секунди и да развие повеќе од 300 km/h.