После разочарувањето во Русија, Диего Армандо Марадона, тргна напред и се фокусираше на својата иднина. Поранешниот фудбалер, имено, ја запроси својата девојка Росио Оливија на нејзиниот 28 роденден, со дијамантен прстен пред 47 гости.
Росио веднаш прифати, а солзи пуштија и нејзината мајка Моника, како и ќерката на Марадона, Јана, пишува „The Sun“.
Среќните свршеници прославија со скап шампањ, а до раните утрински часови ги забавуваше познат аргентински пејач.
„Среќна сум што ова е последниот роденден кој го славам како слободна жена и што следниот ќе го прославам со тебе. Моите желби денеска и засекогаш се да бидам среќна со Диего, мојата мајка и баба да живеат засекогаш и сите да бидат здрави“, изјави 28-годишната Росио, откако го кажа судбоносното „да“.
Марадона ја запозна Росио во 2012 година, а од првата сопруга се разведе во 2003 година, после 17 години брак.
Инаку, сега веќе 28-годишната Росио, е помлада дури 29 години од легендарниот Аргентинец, кој има 57 години.
