Марго Роби и Џејкоб Елорди ќе глумат во претстојната адаптација на Wuthering Heights („Оркански висови“), во режија на оскаровецот Емералд Фенел, потврди Deadline.
Претстојната адаптација е во продукција на MRC и LuckyChap Entertainment, основана од Роби. Ова е трета соработка на Фенел со LuckyChap, која ги продуцираше нејзините филмови Promising Young Woman и Saltburn.
Роби ќе ја игра Кетрин Ерншо во филмот, додека Елорди ќе го игра Хитклиф. Фенел ќе го режира, пишува и продуцира филмот, кој моментално е во претпродукција. Снимањето ќе започне следната година.
„Оркански висови“ е единствениот роман на писателката Емили Бронте и едно од најзначајните книжевни дела на сите времиња. Приказната ги следи ривалските семејства Ерншо и Линтон и нивната турбулентна врска со сиракот Хитклиф, кој бил посвоен од семејството Ерншо.
Викторијанскиот роман бил адаптиран неколку пати, а некои од најпознатите адаптации се филмот од 1939 година со Лоренс Оливие и Мерл Оберон во главните улоги, филмот од 1992 година со Реиф Фајнс и Жулиет Бинош, и адаптацијата од 2011 година со Каја Скоделарио и Џејмс Хаусон.
Последната улога на Марго Роби беше во минатогодишниот летен блокбастер Barbie, кој заработи 1,4 милијарди долари ширум светот и доби осум номинации за Оскар. Следниот проект во кој ќе глуми е драмата A Big Bold Beautiful Journey, во која ја игра главната улога покрај Колин Фарел.
Елорди соработуваше со Фенел на минатогодишниот хит филм Saltburn. Негови најнови филмови се драмите Oh, Canada и On Swift Horses, а моментално работи на Frankenstein на Гилјермо дел Торо, во кој го игра чудовиштето на Франкенштајн.
