Марио Манџукиќ објави крај на својата импресивна кариера во септември, но очигледно не се одмараше долго.
Легендарниот хрватски напаѓач се запиша на тренерската академија ХНС и оди на курс за УЕФА Б лиценца, што е почеток на патот до УЕФА ПРО лиценцата потребна за водење клубови, на пример во првата ХНЛ.
Манџукиќ го чекаат 160 часа настава, по што ќе треба да ги положи испитите со, во просек, многу добар успех, а нема да смее да има ниту една двојка. Доколку одлучи да се запише на курс за УЕФА А лиценца, што е сосема очекувано, ќе мора да одработи и една година тренерска пракса, што би можел да го направи во стручниот штаб на хрватската репрезентација доколку постои волја од двете страни.
Патот до добивање ПРО лиценца е многу долг и за хрватските фудбалери многу подолг отколку за поранешните професионалци во некои други земји, како што е Германија. Ако редовен ги полага испитите, Манџукиќ може да добие ПРО лиценца за шест до седум години, а потоа теоретски може да стане „вистински“ тренер. Предавањата за категориите Б, А и ПРО на Манџукиќ ќе чинат околу 20.000 куни (околу 2.700 евра).
