Македонија испиша историја на Европското првенство во ММА, кое се одржа во Белград, Србија.
Македонскиот репрезентативец Марко Трајаноски, член на клубот Д Стронгест од Скопје, го освои првото европско злато за нашата земја, постигнувајќи извонреден успех на најголемата европска сцена во аматерскиот ММА.
Тој во категоријата до 83,9 килограми оствари 4 победи против Георги Савов од Бугарија, Илин Давид од Романија, Доменико Вискузи од Италија и Тимур Руснак од Украина и тоа за само еден ден.
Овој подвиг е огромен чекор за македонскиот ММА.
