Најмалку пет лица загинаа во пукање во моторџиски бар во округот Оринџ во Калифорнија, а шест лица се повредени и се во болница, јави CBS.
Според локалните медиуми, полицијата одговорила на повикот од барот Cook's Corner околу 8 и пол навечер и на местото на настанот затекнала масакр.
Два извора за CBS, кои сакаа да останат анонимни, рекоа дека напаѓачот бил пензиониран полицаец од округот Вентура. Наводно, негова цел била неговата побегната сопруга, која очигледно ја следел до барот каде пукал во толпа луѓе.
Сенаторот Дејв Мин рече дека му е „скршено срцето“ по веста за уште едно масовно убиство.
„Моето срце е скршено поради семејствата и најблиските на жртвите на ова пукање“, рече тој.
Инаку, барот каде што се случи масакрот, е популарно место за собирање моторџии од 70-тите.
