По неколку години шпекулации, Maserati потврди дека на пазарот ќе се појави сериска верзија на концептот Alfieri. Интересно е што компанијата планира и целосно електрична верзија на овој модел, кој треба да биде конкуренција на Porsche 911 и Jaguar F-Type.
Maserati првично планираше моделот да се појави на пазарот во 2018 година, но потоа терминот за промоција беше преместен за 2020 година.
Менаџерот на Maserati за Северна Европа, Питер Дентон изјави дека моделот со конвенционален мотор ќе биде спремен за 2019 година или пак за 2020 година, како и дека електричната верзија може да се очекува до крајот на 2020 година.
Најавите се дека сериската верзија ќе задржи голем дел од дизајнот на концептот, како и дека ќе биде развиен на нова платформа и ќе дели некои од компонентите со Ghibli.
Како вистинско спортско купе, автомобилот ќе има погон само на задните тркала, а најверојатно ќе добие V6 мотор кој ќе биде достапен со 410, 450 и 520 коњски сили. Во плановите на Maserati е и кабрио верзија на овој модел.