Ако се прашувате што Барби вози денес, вашиот одговор го има Maserati.
Во здружени сили со компанијата Mattel, а низ својата Fuoriserie програма, Maserati го создаде автомобилот Grecale Barbie Edition.
Ќе бидат произведени само два примерока, а првиот веќе пристигна. Како што можеше и да се очекува, каросеријата е лакирана во розова боја, но кога автомобилот е изложен на сонце се приметува ефект на виножито.
Grecale има жолти детали околу решетките на ладилникот, на капакот од моторот, како и свој логотип во централниот дел од фелните. Исто така, потписот на Барби (Barbie) може да се види над трите вентилациски отвори сместени под страничните ретровизори. Специјална буква B го краси столбот C.
Внатрешноста е облечена во црна кожа со розови конци, што прави контраст, токму како и другите детали во истата боја. Знакот B се наоѓа на потпирачите за глава.
Grecale е естетски импресивен, но има и одлични перформанси бидејќи всушност станува збор за моделот Trofeo кој го покренува 3,0-литарскиот V6 Nettuno мотор на Maserati. Овој мотор развива 523 КС и 620 Нм вртежен момент.
Првиот примерок од моделот Barbie Grecale беше претставен во Лос Анџелес, а 10% од износот кој новиот сопственик ќе го издвои ќе замине во проектот Barbie Dream Gap. Овој проект е дел од иницијативата која соработува со хуманитарни организации кои пружаат еднакви прилики во отстранувањето бариери за девојчиња ширум светот.
Се проценува дека автомобилот вреди 330 илјади долари, а вториот примерок треба да пристигне наредната година.