Илон Маск ја продолжи својата расправија со британската влада, обвинувајќи ја дека се однесува „тотално сталинистички“ со зголемување на данокот на наследство на фарми вредни повеќе од 1 милион фунти.
Ова е најновиот напад на сојузникот на Доналд Трамп врз британската лабуристичка влада и доаѓа додека Лондон се обидува да ги поправи односите со тимот на Трамп пред неговата инаугурација.
Коментарите на Маск се фокусираа на контроверзниот даночен план што лабуристите го претставија минатиот месец. Владата го укинува ослободувањето од данок на наследство за некои фарми, потег што Националниот сојуз на фармери го нарече катастрофален. Во Лондон денеска се очекуваат големи протести на земјоделците, пишува Politico.
Промените, кои стапуваат на сила во април 2026 година, ќе доведат до тоа оние кои наследуваат фарми вредни повеќе од 1 милион фунти да бидат погодени со стапка на данок на наследство од 20 отсто. Британското Министерство за финансии вели дека веројатно ќе бидат погодени помалку од 500 фарми годишно и посочува дека данокот е половина од другите даноци на наследство.
„Британија се однесува тотално сталинистички“, напиша Маск на X, споделувајќи напис на Guardian за планот на британската влада. Сталин е советски диктатор кој водеше брутална програма за колективизација на фармите, проследена со широко распространет глад.