Извршниот директор на Tesla, Илон Маск, има „супер лошо чувство“ за економијата и сака да укине околу 10 отсто од работните места во компанијата за електрични автомобили.
Маск преку мејл вели дека треба да има пауза од вработување ширум светот. Мејлот бил испратен два дена откако најбогатиот човек на светот им рекол на вработените дека мора да се вратат на работното место или во спротивно да ја напуштат компанијата.
Според официјалните податоци, во компанијата Tesla кон крајот на 2021 година биле вработени околу 100.000 луѓе.
„Секој во Tesla мора да поминува најмалку 40 часа неделно во канцеларија. Ако не се појавите, ќе претпоставиме дека сте си дале отказ“, напиша Маск во мејлот.
Тоа барање било одбиено од некои вработени во Германија, каде што компанијата има нова фабрика.