Директорот на компанијата Tesla, Елон Маск, најави излегување на Model 3 со двоен мотор, веројатно од јули.
Маск на Twitter доби прашање кога ќе пристигне Model 3 со погон на сите четири тркала, на што одговори дека прво мора да се постигне целта од производство на 5.000 единици на Model 3s неделно, пред да се разгледа „додавањето на сложени системи кои можат да го забават производството“.
Како и системите со двоен мотор во Model S и Model X, и овој Model 3 би овозможил подобра автономија во возењето и поголемо забрзување.
Аналитичарите се убедени дека потрошувачите нема да размислуваат за тоа да платат повеќе од 50.000 долари за добро опремен Model 3 со двоен мотор.
Сепак, Американскиот произведувач на автомобили и понатаму се бори да ги достигне одамна промашените цели од производството на својот седан, кој чини 35.000 долари.
Tesla најави производство на 200.000 возила оваа година, така што новите потрошувачи веќе нема да бидат квалификувани за кредит од владата од 7.500 долари, што ќе го направи Model 3 значително поскап.
