Милијардерот Илон Маск се закани дека ќе отвори правна постапка против Microsoft поради тврдењата дека компанијата на Бил Гејтс „нелегално обучувала користејќи податоци од Twitter“.
Неговата изјава дојде како одговор на твитот во кој се вели дека рекламната платформа на Microsoft објавила дека ќе престане да го поддржува Twitter, наводно поради промените во социјалната мрежа, која сега бара плаќање за пристап до нејзиниот API.
Според медиумите, се претпоставува дека оваа закана е поврзана со OpenAI, односно дека податоците од Twitter се користат за обука на големиот јазичен модел зад производите како што е ChatGPT.
OpenAI не е во сопственост на Microsoft, но неодамна доби значајна инвестиција од компанијата, која ги вградува системите за вештачка интелигенција (AI) во своите алатки како што се Bing, Edge и Microsoft 365.
