Како што знаете, од некои производи кои се наоѓаат во вашата кујна можете да направите здрави и хранливи маски за кожа, коса и лице. На самиот врв од тие намирници, се наоѓа маслиновото масло.
Маслиновото масло е посебно ефикасно за нега на коса, односно и дава природен волумен и сјај и има регенеративно својство.
Во прилог прочитајте за петте бенефити кои ги има маслиновото масло по вашата коса.
1. Намалете го првутот
Првутот се појавува поради исушено теме на главата, што може да предизвика и некои други проблеми на самата површина на кожата на главата. Маслиновото масло добро хидрира и дополнително ја храни кожата на вашата глава, па ефикасно го отстранува непријатниот првут.
2. И дава волумен на косата
Сувата коса е проблем за многу дами, но маслиновото масло нуди решение и за овој проблем, бидејќи на косата и дава дополнителна хидратација и го враќа загубениот волумен.
3. Косата ќе биде посјајна и поцврста
Маслиновото масло содржи витамини А и Е како антиоксиданси, кои и помагаат на влакната да останат цврсти и сјајни. Како што храната дејствува кај нас, така маслиновото масло реагира на нашата коса.
4. Го забрзува растот на косата
Редовната употреба на маслиновото масло во нејзината коса го поттикнува и нејзиниот забрзан раст.
5. Ја прави мека на допир
Својствата кои ги има маслиновото масло влијаат на квалитетот на влакната, а исто така прават и косата да биде помека.